Posted on 2024-08-28 00:28:04
Ubuyobozi bw’ikipe ya Mako Sharks Swimming Club, bwateguye irushanwa ngarukamwaka rya ‘Mako Sharks Swimming League’ rihuza amakipe asanzwe akina amarushanwa ategurwa n’Ishyirahamwe Nyarwanda ry’Umukino wo Koga.
Mako Sharks Swimming Club yateguye irushanwa rizahuza abakinnyi 200
Ni irushanwa ryateguwe ku bufatanye bw’ubuyobozi bw’iyi kipe n’ubw’Ishyirahamwe ry’uyu mukino mu Rwanda.
Biteganyijwe ko iri rushanwa rizaba ku Cyumweru tariki 26 Werurwe 2023, rikazabera muri Green Hills Academy i Nyarutarama.
Iri rushanwa byitezwe ko rizitabirwa n’abakinnyi bagera kuri Magana abiri.
Mu 2019, ikipe ya Mako Sharks yegukanye irushanwa ryateguwe na Miss Iradukunda Elsa ryiswe ’Ndi Nyampinga Swimming Competition’.
Iyi kipe yiganjemo abakiri bato ndetse batanga icyizere mu mukino wo Koga mu Rwanda.